Читать книгу: «Пасхальное богослужение с объяснением священника Александра Гумерова»

Рекомендовано к публикации Издательским советом Русской Православной Церкви

ИС Р19-817-0628

Предисловие

«Христос воскресе!» – «Воистину воскресе!» – так приветствуют друг друга христиане в пасхальные дни. И в этих радостных словах выражена вся суть христианства. Именно это свидетельство придает смысл евангельским событиям, да и всей истории человечества. Господь Иисус Христос, пройдя через предательство, унижения, мучения и казнь, одержал победу над злом и смертью. Апостолы, некогда бежавшие, спрятавшиеся от страха и малодушия, узнав, что Христос воскрес, смело и мужественно понесли эту весть всему миру. Страхи и угрозы уже не пугали их: чего бояться, если они видели сами, что смерть побеждена, а жизнь восторжествовала. Ведь этой жизнью – жизнью с Богом – Господь щедро делится с каждым из нас. «И нам дарова живот вечный (то есть жизнь вечную), покланяемся Его тридневному Воскресению», – поем мы в праздник Святой Пасхи.

Чтобы разделить эту радость, люди собираются вместе в храме на общее богослужение. Пасха в православной традиции празднуется 39 дней. Все эти дни Церковь вспоминает, как Господь являлся Своим ученикам, раскрывая им тайны Царства Божьего, а на сороковой день вознесся на небо. Все эти дни в храмах звучат воскресные песнопения и раздаются пасхальные приветствия. Но особенно отмечаются первые семь дней этого периода – Светлая седмица. Каждый день Светлой седмицы – начиная с Пасхального воскресенья до следующей субботы – в храмах совершаются удивительные службы. Алтарь, обычно закрытый царскими вратами, открыт. На службах почти не слышно чтений, все молитвословия поются.

Первая пасхальная служба совершается по традиции ночью – в воспоминание того, как жены-мироносицы пришли ко гробу Христа, когда было еще темно (Ин. 20: 1), и услышали от Ангела весть: Его нет здесь – Он воскрес (Мф. 28: 6).

Верующие собираются в храме до полуночи. В это время обычно читается библейская книга – Деяния святых апостолов, а после совершается короткая полунощница – последняя служба Страстной седмицы.

Ровно в полночь под негромкое пение из храма выходит крестный ход. Пасхальная заутреня начинается на улице перед затворенными церковными дверями, которые распахиваются под пение пасхальных молитв. После этого священнослужители и молящиеся входят в храм, и радостная служба продолжается уже внутри церкви.

За Светлой заутреней следует краткая служба Пасхальных часов, а затем совершается Божественная литургия – ведь каждому верующему в этот день очень важно соединиться со своим Господом в таинстве Причастия.

Тексты служб, совершающихся в православных храмах в пасхальную ночь, вы найдете в настоящем издании.

Полунощница

До начала пасхального богослужения в храмах читается книга Деяний святых апостолов. Полунощница начинается при закрытых царских вратах и завесе¹.

Священник: Благослове́н Бог наш всегда́, ны́не и при́сно², и во ве́ки веко́в.

Хор: Ами́нь.

Чтец: Святы́й Бо́же, Свя́тый Кре́пкий, Святы́й Безсме́ртный, поми́луй нас. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Пресвята́я Тро́ице, поми́луй нас; Го́споди, очи́сти грехи́ наша; Влады́ко, прости́ беззако́ния на́ша;

Святы́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды)

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

О́тче наш, Иже³ еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко⁴ на небеси́ и на земли́. Хлеб наш насу́щный даждь нам днесь⁵; и оста́ви⁶ нам до́лги⁷ на́ша, я́коже и мы оставля́ем должнико́м на́шим; и не введи нас во искуше́ние⁸, но изба́ви нас от лука́ваго.

Священник: Я́ко Твое́ есть Ца́рство и си́ла и сла́ва, О́тца и Сы́на и Свята́го Ду́ха, и ны́не и при́сно, и во ве́ки веко́в.

Чтец: Ами́нь. Го́споди, поми́луй. (12 раз)

Прииди́те, поклони́мся Царе́ви на́шему Бо́гу.

Прииди́те, поклони́мся и припаде́м Христу́, Царе́ви на́шему Бо́гу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Псало́м 50

Поми́луй мя, Бо́же, по вели́цей ми́лости Твое́й и по мно́жеству щедро́т Твои́х очи́сти беззако́ние мое. Наипа́че⁹ омы́й мя от беззако́ния моего́, и от греха́ моего́ очи́сти мя; я́ко беззако́ние мое́ аз¹⁰ зна́ю, и грех мой предо мно́ю есть вы́ну¹¹. Тебе́ Еди́ному согреши́х и лука́вое пред Тобо́ю сотвори́х, я́ко да оправди́шися во словесе́х Твои́х, и победи́ши внегда́ суди́ти Ти¹². Се бо, в беззако́ниих зача́т есмь, и во гресе́х роди́ мя ма́ти моя́. Се бо, и́стину возлюби́л еси́; безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся; омы́еши мя, и па́че сне́га убелю́ся. Слу́ху моему́ да́си¹³ ра́дость и весе́лие; возра́дуются ко́сти смире́нныя¹⁴. Отврати́ лице́ Твое́ от грех мои́х и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й¹⁵. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́ и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й¹⁶, Бо́же, Бо́же спасе́ния моего́; возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще¹⁷ бы восхоте́л еси́ же́ртвы, дал бых у́бо¹⁸: всесожже́ния¹⁹ не благоволи́ши. Же́ртва Бо́гу дух сокруше́н; се́рдце сокруше́нно и смире́нно Бог не уничижи́т. Ублажи́²⁰, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на oлта́рь Твой тельцы́.

Кано́н²¹ Вели́кой Суббо́ты, глас 6

Обычно канон читает один из священников перед Плащаницей.

Песнь 1

Ирмос: Волно́ю морско́ю Скры́вшаго дре́вле, гони́теля мучи́теля²², под земле́ю скры́ша спасе́нных о́троцы²³; но мы, я́ко отрокови́цы, Го́сподеви пои́м, сла́вно бо просла́вися²⁴.

Сла́ва Тебе́, Бо́же наш, сла́ва Тебе́.²⁵

Го́споди Бо́же мой, исхо́дное²⁶ пе́ние, и надгро́бную Тебе́ песнь воспою́, погребе́нием Твои́м жи́зни моея́ вхо́ды отве́рзшему, и сме́ртию смерть и ад умертви́вшему.

Сла́ва Тебе́, Бо́же наш, сла́ва Тебе́.

Горе́²⁷ Тя на Престо́ле и до́ле²⁸ во гро́бе, преми́рная²⁹ и подзе́мная, помышля́ющая, Спа́се мой, зы́бляхуся³⁰ умерщвле́нием Твои́м: па́че ума́³¹ бо ви́ден был еси́ мертв, Живонача́льниче³².

Сла́ва Тебе́, Бо́же наш, сла́ва Тебе́.

Да Твоея́ сла́вы вся испо́лниши, сшел еси́ в ни́жняя земли́: от Тебе́ бо не скры́ся соста́в мой³³, и́же во Ада́ме, и погребе́н, истле́вша мя обновля́еши, Человеколю́бче.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия:³⁴ Волно́ю морско́ю Скры́вшаго дре́вле, гони́теля мучи́теля, под земле́ю скры́ша спасе́нных о́троцы; но мы, я́ко отрокови́цы, Го́сподеви пои́м, сла́вно бо просла́вися.

Песнь 3

Ирмос: Тебе́, на вода́х пове́сившаго всю зе́млю неодержи́мо³⁵, тварь³⁶ ви́девши на ло́бнем³⁷ ви́сима, у́жасом мно́гим содрога́шеся, несть свят³⁸, ра́зве³⁹ Тебе́, Го́споди, взыва́ющи.

Сла́ва Тебе́, Бо́же наш, сла́ва Тебе́.

О́бразы погребе́ния Твоего́ показа́л еси́, виде́ния умно́жив. Ны́не же сокрове́нная Твоя́ богому́жно⁴⁰ уясни́л еси́, и су́щим⁴¹ во а́де, Влады́ко, несть свят, ра́зве Тебе́, Го́споди, взыва́ющим.

Сла́ва Тебе́, Бо́же наш, сла́ва Тебе́.

Просте́рл еси́ дла́ни⁴², и соедини́л еси́ дре́вле разстоя́щаяся⁴³. Одея́нием же, Спа́се, е́же в плащани́це и во гро́бе, окова́нныя⁴⁴ разреши́л еси́⁴⁵, несть свят, ра́зве Тебе́, Го́споди, взыва́ющия.

Сла́ва Тебе́, Бо́же наш, сла́ва Тебе́.

Гро́бом и печа́тьми, Невмести́ме, содержи́мь⁴⁶ был еси́ хоте́нием⁴⁷: и́бо си́лу Твою́ де́йствы⁴⁸ показа́л еси́, богоде́йственно пою́щим: несть свят, ра́зве Тебе́, Го́споди Человеколю́бче.

Сла́ва Отцу́ и Сы́ну и Свято́му Ду́ху.

И ны́не и при́сно, и во ве́ки веко́в. Ами́нь.

Катавасия: Тебе́, на вода́х пове́сившаго всю зе́млю неодержи́мо, тварь⁴⁹ ви́девши на ло́бнем ви́сима, у́жасом мно́гим содрога́шеся, несть свят, ра́зве Тебе́, Го́споди, взыва́ющи.

Священник: Го́споди, поми́луй. (Трижды)

Седа́лен⁵⁰, глас 1

Гроб Твой, Спа́се, во́ини стрегу́щии⁵¹, ме́ртви от облиста́ния⁵² я́вльшагося А́нгела бы́ша, пропове́дающа жена́м Воскресе́ние. Тебе́ сла́вим, тли⁵³ потреби́теля⁵⁴! Тебе́ припа́даем, Воскре́сшему из гро́ба и Еди́ному Бо́гу на́шему!

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Песнь 4

Ирмос: На Кресте́ Твое́ Боже́ственное истоща́ние⁵⁵ прови́дя Авваку́м, ужа́сся, вопия́ше: Ты си́льных пресе́кл еси́ держа́ву, Бла́же, приобща́яся су́щим во а́де, я́ко Всеси́лен.

Сла́ва Тебе́, Бо́же наш, сла́ва Тебе́.

Седьмы́й день днесь освяти́л еси́, его́же дре́вле благослови́л еси́ упокое́нием дел: прево́диши⁵⁶ бо вся́ческая и обновля́еши, суббо́тствуя, Спа́се мой, и назида́я.

Сла́ва Тебе́, Бо́же наш, сла́ва Тебе́.

Си́лою лу́чшаго, победи́вшаго Тебе́⁵⁷, от пло́ти душа́ Твоя́ раздели́ся, растерза́ющи⁵⁸ бо обоя́ у́зы, сме́рти и а́да, Сло́ве, держа́вою Твое́ю.

Сла́ва Тебе́, Бо́же наш, сла́ва Тебе́.

Ад, Сло́ве, срет⁵⁹ Тя, огорчи́ся⁶⁰, челове́ка зря⁶¹ обоже́на, уя́звлена⁶² ра́нами, и Всесильноде́теля, стра́шным же зра́ком поги́бе⁶³.