Читать книгу: «Нәниләр китабы», страница 6

аякларны бер-бер артлы атлап,

ничек йөрисен күрсәтәбез.

Шул юл буйлап йөргәлә,

Аякны куй аякка.

Баланы кулыннан тотабыз һәм

тасмадан алга-артка

йөрергә ярдәм итәбез.

Тасма шуарга теләми –

Ике кулда ике тасманы тотабыз.

Балага чиратлашып тасмаларны ничек

Күктә йөзү рәхәтрәк. болгыйсын, музыкага әйләнәсен, һавага атасын күрсәтәбез.

Гүя канатларың белән

Кагыйк әйдә бәргәләп.

Бала белән бергә лентаны тотып биибез.

***

БИЕ НӘНИ

(Халык авыз иҗаты)

Эттэ түдер түдәме,

Гармунчыгыз өйдәме?

Өйдә булса, килсен әле,

Биетеп китсен әле.

Биесен лә, биесен лә,

Биек тауга менсен лә,

Кызлар моңы сөйсен лә!

***

ҮСӘ-ҮСӘ ЗУР БУЛА

(Халык авыз иҗаты)

Үчти-үчти, үчтеки,

Үсмәгәнгә кечтеки,

Үскәчтен лә зур булыр,

Зур булгачтын туй булыр!

Үчтеки, үчтеки,

Үсмәгәнгә кечтеки,

Үсә-үсә зур булыр,

Бигрәк матур кыз (ул) булыр!

***

МАТУР СУЗЛӘР КАБАТЛА

Әйдә бергә кул чабабыз,

Чәп-чәп итеп уйныйбыз.

Аяклар белән атлыйбыз,

Дөп-дөп итеп йөрибез!

Матур сүзләр әйтеп кара,

Әннә-әннә диеп әйт,

Әттә-әттә дип кабатла,

Апа-апа диеп әйт!

Әббә-әббә дип кабатла,

Әби кибеткә бара,

Абый белән нәнигә

Тәмле кәнфитләр ала!

***

УЕНЧЫКЛАРГА БИШЕК ҖЫРЫ

Әлеге уен балага йоклар алдыннан уенчыкларын җыярга

һәм әкренләп ялга әзерләнергә ярдәм итәр.

Кояш батты, ай калыкты,

Йолдызлар балкып тора.

Уенчыкларны җыеп,

Кызым (улым) йокларга бара.

Курчакны әкрен тирбәтәм,

«Әлли-бәлли-бәлли-бәү»,

Тизрәк йом күзеңне,

Минем нәни гүзәлем.

Машиналар, шаярмагыз,

Моторны кабызмагыз.

Гаражга юл тотыгыз –

Төнлә шунда урыныгыз.

Шакмаклар тартмага бара,

Китап киштәдә тора.

Мин дә ятам йокларга

Яраткан караватка.