Читать книгу: «Таза ойлор Так сөздөр», страница 2
Ооруунун, аба ырайынын өзгөрүүсүнүн башаты кимден башталышы мүмкүн?
Менин айтайын дегеним “ойдун тазалыгы”, “сөздүн тазалыгы” жөнүндө, бул дагы ден соолуктун эң негизги – булагы, дененин жеген тамагы, өткөргөн нуру. Эмесе, ушул эки сөз жөнүндө кыскача түшүнүк бере кетейин.
–
[А] Аалам ден соолуктун толкунунда! Аалам өз жайында!
ОЙДУН ДЕН СООЛУККА ТИЙГИЗГЕН ТААСИРИ ЖӨНҮНДӨ
“Мен кандай ойлонсом, өзүмдү ошондой сезем, азыр дал ошондой жашоодо жашайм!”– бул чындык.
Ой күлүк. Ойсуз жашоо кыйын. Ар бир адам басса турса ой менен басып, ой менен сүйлөшүп, сезиминде сезип жашайт. “Ой” – ар бир адамдын күнүмдүк жашоо турмушундагы куралы. Аны турмушка ашырып, секунда сайын тамактандырып турган адам “сезими”, “сөздөрү”. Ойдун “оң” жана “терс” жагы бар. Жамандыгына алсаң ой менен учу кыйры түгөнгүс “терс” көрүнүшкө түшөсүң, жашооңду кыйынчылыкка учуратып, ден соолугуңду оорууга чалдыктырып, өмүрүңдү кыскарта аласың. өзүңдү, үй бүлөңдү, мамлекетиңди, бүткүл Ааламды дүрбөлөңгө саласың. Үй бүлөдөгү эле аба ырайын эмес жаратылыштын абасын бузууга чоң салымыңды кошосуң.
Ал эми, оюңду “оң” жагына бурсаң, “жоктун” каналынан “бардын” каналына автоматтык түрдө уланасың да “барды” жасап, кубанычыңды көбөйтүп, жыргал жашоо кура аласың. Өзүңдү өзүң жакшы сезе баштайсың. Ден соолугуң чыңдалып, үй– бүлөңдө бакыт, орноп, мамлекетиң өнүп өсөт, жыргал жашоонун пайдубалы түптөлүп, Ааламга кубанычтын сезимин жөнөтөсүң. Ал нерсе албетте, жаратылыштын төрт мезгилин өз калыбына келтирет. Сөз менен айтканда бул жомок сыяктуу. Бирок аны ишке ашырган адам кана бул нерсеге ишенет. Аны кантип жасоо, ал сенин турмуштук тажрыйбаңа, билимиңе жараша кана болот. Ал үчүн ишенүүң керек.
Эки вариантты тең тез эле жасоо оңойбу? Албетте жок. Бирок мүмкүнчүлүк бар.
Ар бир адам жашоодо өзүнө ыңгайлуу шартты кабыл алат жана түзөт.
Албетте, бир сөз менен айтуу жеңил, бирок, кеп аны аткарууда, ишке ашыра билгендигиңде. Ошон үчүн бул китеп аркылуу, аткаруунун үрөнүн кана себебиз. Ал эми, убакыт келгенде кандай үрөн сепкендигиңе өзүң күбө болосуң.
Жыйынтык качан болот?
Качан адам өзү менен өзү иштеп, өзүн өзү тарбиялап, өзүң каалаган “каналда”, нур толкунда ритимдүү, стабилдүү кармай алганда, өзүң жасаган ишиңе ишенгенде кана болот. Бул күнүмдүк жашоо. Ыраазылык менен кубанып жашоо. Ден соолукта жашоо. Өзүнө өзү кожоюн болуп, эмнени кааларын ачык, так, даана билип, өз эмгегине өзү ээ болуп, өзүн өзү сыйлап сүйө билгенде кана болот.
Андай деңгээлге жетүү үчүн эмне кылуу керек? Ал үчүн албетте, турмуштук тажрыйба, тажрыйба, тажрыйба керек! Кантип жашоону билүү керек.
Адам баласы бир “ойду”, бир канча узак убакытка кармап тура алабы? Аны “сезими менен сезип” дайыма ошол сезимди кармап тура алабы? Ар бир адам кубануу, сүйүү, бактылуулук сезимин Ааламга тынымсыз, “ар бир секундада” жөнөтө алабы?
Мисалы, жаман ойду ойлоп, сезим менен Ааламга заматта жөнөткөнгө көпчүлүк адам устабыз.
Жакшы ойду, жакшы сезимдичи? Сезимин контролдогон адам эсептелүү. А, сенчи? Эми ар бир адам өзүңдүн жашооңду байкап көр. Эмнелерди көп ойлоп, өзүңдү кандайча сезесиң? Эмнени өз денең менен нур аркылуу мейкиндикке, Алла Талаага жөнөтүп жатасың?
Ойдун “оң” тарабын же “терс” тарабын алуу – бул ар бир адам үчүн баалангыс турмуштук тажрыйба.
“Ойдун башаты” – ар бир адамдын жүрөгүнүн түпкүрүндө, башкача айтканда “жанында”, “канында”” гениңде”, “ар бир клеткаңда” жана мейкиндиктеги “маалымат талааңда”(же Алла Талаада, кудайда).
Ар бир адам денеси өзүнүн “учур чактагы акыбалына, сезимине” жараша Ааламдагы “ой дүйнөнүн түркүн толкунуна” уланып, ой өзгөргөн сайын, тынымсыз өзгөрүп турат. Ошого жараша ата – энең, бир туугандарың, өмүрлүк жолдошуң, уул кыздарың, айылың, шаарың, мамлекетиң болот.
Ал эми көпчүлүк адам “ой – башта, мээде” деп түшүнөт.
Учурунда мен да ошондой деп ойлоочумун.
Убакыт өткөн сайын билим алуу менен “ойдун дүйнөсү” кайда экендигин, өзүмдү өзүм кечирүү, кечирим суроо, сүйүү, кабыл алуу менен түшүнө баштадым.
Терс ойдун агымында жүргөн адамга ойдун “оң тарабына” өтүү бир канча эмгекти талап кылат. “Эч нерсе, эч качан жөн эле, өзү боло бербейт”, дегенге өз тажрыйбам менен ишендим. Аны ар бириңер өзүңөр байкап көрсөңөр болот.
Кээ бири заматта болсо, кээ бирине убакыт керек. Ал адамдын түшүнүгүнө, жөндөмдүүлүгүнө жана иштөө аракетине жараша өзгөрөт.
Тандоо өзүңдөн:
Ооруу кыйынчылык керек болсо – “терс” ойдун агымын, чың ден соолук, бактылуу турмуш керек болсо – “ойдун оң тарабын кабыл ал”. Бирок, экөөбүң тең, “тең салмактап” алып жүргөндү билсең “эң сонун” болмок.
Себеби, жаман айтпай жакшы жок. Жакшы болбосо, жаманды эмнеге салыштырасың? Кара болбосо актын баркын кайдан билмексиң? Караңгы түн болбосо, жарыкты кайдан барктамаксың?
Тең салмакты сактап, баланста жүрүү үчүн, албетте турмуштук тажрыйба керек.
Ал эми, мен, ал турмуштук тажрыйбаны “терс ойду” адегенде кабыл алып, андан кийин “жансыздандырып”, мээмдеги, денедеги терс ойлорду чогултуп денеден чыгарып, б.а. денени “бош кармап” денеден өтүп кетүүгө жол берип, андан кийин жашоомдун оң тарабына же ыңгайлуу тарабына буруп, денени тең салмакта кармоону үйрөнө баштадым. Аны кантип жасоо керектигин, түшүнгөн адам, китептеги сөздөрдүн маанисине карап иликтеп алат.
Аны кантип жасоо керектигин өз тажрыйбам аркылуу жана башкалардын турмуштук тажрыйбасын пайдалануу менен мисалдарды келтирип түшүндүрөм.
Жагып калса жасап көрсөңөр болот.
Эгерде кимде ким өмүр бою ооруудан, ар кандай турмуштук проблемалардан кутулууну көздөгөн адамдар болсо, анын эмне үчүн ушундай экендигин түшүнгүсү келсе жана жашооңдо өзгөрүү болуусун кааласа, анда бул китеп “аркылуу өзүңдү түшүнүүгө кандайдыр бир деңгээлде жардам алышың мүмкүн”.
“Чечим” кабыл алуу өзүңдөн.
Эгерде денеңде чың дилиңден “чечим” кабыл алынса, “ичиңден улутунуу же терең дем алуу” менен белги берет, оор улутунуп, үшкүрүнөсүң. Ушундай белги болсо “жан дүйнөң” кабыл алды деп түшүн.
Түш аркылуу дагы ар кандай белгилер болот. Баардыгын “жакшы жагына жору”. Кандай жоорусаң ошол жагына оойт, “белгилерге” да маани берүү зарыл, себеби дүйнө туш тараптан ар кандай мааниде түшүнүүгө жардам берет. Мисалы: астыңдан өткөн мышыкты кандай жоруйсуң? Корксоң сен ойлогондой окуя болушу күтүлөт. Анын ордуна “Оо кара мышык өтүп кетти, бүгүн буюрса жолум эң сонун болот!” – деп ойлосоң анда ал сенин пайдаңа иштейт, себеби, сен жамандыкты эмес, жакшылыктын каналына уландың. Алдыңда жакшы нерсе күтүп жатканына “көңүлүңдү бурдуң”. Эмнеге көңүлүңдү бурсаң, энергияң сенин ошол нерсеге уланат. Бирок, жаман түш жакында боло турган окуяны дагы алдын ала билдириши мүмкүн, ал мейкиндиктеги жакын арада боло турган образдын энргиясы. Ошон үчүн ал энергияны дене аркылуу дем алып, дем чыгаруу менен тез арада өткөрүп жибергенди билүү керек. Ал үчүн дагы билим керек, түшүнүү керек, турмуштук тажрыйба керек.
Элибизде эң сонун философиялык түшүнүк бар:” Түштүн мойну кылдай ичке, кайсыл жакка бурсаң ошол жакка оойт” деген. Ошондуктан түш жоруу өзүңдүн чеберчилигиңе жараша, пайда же зыян алып келүү кызматын кылат.
Анда эмесе, биринчи иретте бул сөздү айтуу маанилүү:
Мен өзүмдүн “оюмдун кожоюну – өзүм болууну чечтим!”.
Суроо: Эмне үчүн “чечимди” өзүм кана кабыл алышым керек?
Эми түшүндүрөйүн, эгерде адам “өз ою үчүн өзү кожоюн” болбосо, ал адам ар кандай башкарылууга жөндөмдүү, б.а. башка адамдардын таасирине тез көнүп, өзүнүн ой, пикиринен башка бирөөлөрдүн каалоо – тилектерин жогору коет да, өзүнөн башка адамдардын башкаруусуна кабыл болот.
Жыйынтыгы, мисалы: “оома”, “ар кимдин тилине кире берет”, “сөзүнүн туругу жок”, “сүйлөй берет”, “жасабайт”, “аткара албайт”, “жалганчы”, “ал оорулуу”, “анын колунан келбейт”, “аны оңой эле башкарып алса болот”, “жок” деп айта албайт, “мени сыйлайт”, “өтө боорукер”, “урушчаак”, “ушакчы”, “ач көз”, “сараң” деген ж.б.у.с. сөздөрдүн ээси болот.
Ушундай жашоодо жашагың келеби?
Эгерде, жогорудагыдай акыбалда болсоң өзгөргүң келеби?
Жашоонун түркүн жолдору бар, аны түшүнөсүңөр да. Тандоо өзүңдөн.
Эгерде жашоонун “түшүнүү” жолун өздөштүрүүнү тандасаң анда маанисине түшүнүп окуган пайдалуу. Жакшылап ойлон. Бул жол убакытты, эмгекти талап кылат. Эгерде чын ыкласыңдан ушул жол “туура” деп тандасаң анда окууну улант. Окууну улантуу – бул алгачкы “чечим” кабыл алуу болуп эсептелет.
Эми сен өзүңө өзүң кожоюн болууну “чечтиң!”.
Улантууну кааласаң анда эмесе, кайталайбыз:
«Мен өзүмдүн оюма өзүм кожоюнмун, себеби келген ойду кантип пайдалуу иштетүүнү билемин!»
«Мен өзүмдүн оюма өзүм кожоюнмун, себеби келген ойду кантип пайдалуу иштетүүнү билемин!».
«Мен өзүмдүн оюма өзүм кожоюнмун, себеби келген ойду кантип пайдалуу иштетүүнү билемин!»
–
[А] Кудай ден соолукта! Кудай өз жайында!
Эмне үчүн кайталоо керек?
Себеби, бул сөздөрдү дене “жан дүйнө” менен кабыл алуу үчүн, жана “аң сезим менен түшүнүп”, жан дүйнөңдү тынчтантып, ден соолукту чыңдоо үчүн үч жолудан жогору кайталаса болот. Кайталоо менен жаңы программаны “жан дүйнөгө “ – сиңиребиз жана “ишенимди” бекемдейбиз.
Эми, андан да жеңил жолу психолог, психотерапевдер тарабынан далилденип жолго салынган методду пайдалансак болот. Ал төмөнкүдөй:
Мен, ________(атың), ден соолуктамын, себеби мен өз денемди кантип укканды жана пайдаланууну билемин ! Сен, ________(атың), ден соолуктасың, себеби сен өз денеңди кантип укканды жана пайдаланууну билесиң ! Ал, _________(атың), ден соолукта, себеби ал өз денесин кантип укканды жана пайдаланууну билет!
Башкалар “ден соолукта, себеби, башкалар өз денесин кантип укканды жана пайдаланууну билет!” Мен,_______(атың), өз жайындамын, себеби өзүм менен өзүм ынтымактамын! Сен, ________(атың), өз жайындасың, себеби өзүң менен өзүң ынтымактасың! Ал,_________(атың) өз жайында, себеби өзүң менен өзүң ынтымактасың! Биз өз жайындабыз, себеби биз баардыгы менен ынтымактабыз, биргебиз! Дүйнө өз жайында, себеби баардыгы дүйнө менен ынтымакта! Аалам өз жайында, себеби баардыгы бири-бири менен ынтымакта! Кудай өз жайында, себеби, өзүм менен өзүм ички жана сырткы дүйнөдө ынтымактабыз, биргебиз!
Мына ушундай тартипте ар бириңер өзүңөргө жаккан сөздөрдү кайталап “терең түшүнүү менен” өзүңөргө жаңы программа жасап, сиңирип алсаңар болот. Бул сөздөр ден соолукта болууга өтө чоң жардам берет, чачыранды болгон энергиялар топтолот.
Ар кандай “мага жаккан” нерселерди “каалоо”, “максат коюуу” жана “жасоо” үчүн өзүмдүн жашоомдун жакшырышы, ден соолугумдун чың болушу үчүн “өзүм” кана “чечим” кабыл алам.
“Башкаруу – менин колумда!” Себеби, мындан ары мен өзүм кана “Өзүмө кожоюнмун, кандай ой мага керек экендигин ачык, так, даана билемин!” Керектүүсүн кабыл алам, керексизин өз учурунда өчүрөмүн!
Өзүн өзү башкарганды билген адам кана башкаларды башкарууга жөндөмдүү экендигин түшүндүм. Өзүнүн ички дүйнөсүн өзү башкара билген адам, сырткы дүйнөдө башкаларды башкара алат, себеби Жараткан, кудай менен түз байланышы калыптанган акылман адам. Андай адам “өзүнө ишенип, башкалардын башкаруусунда калбайт, эмне кылаарын так жана ачык билет.
Дайыма кайталанып келе берген ойлорго, өзүмө өзүм суроо берем:
“Бул менин каалоомбу же мага башка бирөөлөр таңуулап жатабы?” “Мен эмнени каалайм?” ,”Анын түсү кандай?” “Кайсыл жеримде турат?– элестетем, ал түстү кабыл алам, ыраазы болуп жарык күн нуру менен жууп салам!” Эми, “Кандай жашоодо жашасам кубанычта, ден соолукта жашай алам?” Элестетем, сезимимди жакшыртам. Ушундай тартипте суроо берип, окуп бара жатып эле, түшүнгөнүңөргө жараша иштеп бара берсеңер болот. Болду, болбоду, туура, туура эмес деп коркуштун кереги жок. Шартка жараша, түшүнүгүңөргө жараша өзгөрө берет. Бир күндө канча ой келет, керек же керек эмесин териштирбей эле ойлоно бересиң да. Бул дагы ошго окшоп өзгөрөт, болгону – “Мага эмне керек?” ошону таап, оюңду ошол багытка бурганды үйрөнүү зарыл. Аны тапканда кана жаның тынчтанат, ички дүйнөңдө тынччылык орнойт.
“Каалаган максатыма жетсем ал мага эмнени берет?” “Максатыма жетпей калсам анда эмне болот?” “Өзүмдү кандай сезем!”“Каалаган максатыма жетүү үчүн мен эмне жумуш аткардым?» “Эмнелерди жасадым?”
Ошентип, ар кандай суроолор менен кайра-кайра суроо берип, оюмду тактап алам, мага “эмне керек?” экендигин изилдейм.
Жоопту ой менен алам. Кыялыма келет. Аны түшүнбөсөм Алла Таала же “тартылуу күчү” айлана чөйрөмдөгү адамдар аркылуу мага жардам берет, башкача айтканда менин ички сезимимдеги нерсени айлана чөйрөмдөгүлөр сүйлөп, түшүндүрүп айтат. Себеби, бирөөлөргө айтылган сөз өзүмдүн өзүмө айткан сөзүм.. Кээде телевизордон же транспорттон керектүү сөздү кулагыма “шак” деп угулган үндөн улам түшүнүп калам.
Демек, мен өзүмдү өзүм укпай жаткан экенмин да. Адамдардын “сөзүнө көңүл бөлүп”, “жүрөгүмдү уга билүүм керек экен”, деп сөзгө маани бере баштайм!
Ошентип, мага эмне керек экенин ачык даана, так билем!
Дагы түшүндүрөйүн : ар бир адам өзү үчүн өзү чечим кабыл ала албаса, ал адам үчүн айлана чөйрөдөгү, ата-эне, аялы же күйөөсү, уул– кызы же бирге иштегендери ж.б.у.с. “сенин ордуңа чечим кабыл алат” да, сен ал адамдын “башкаруусунда” каласың.
Эми, түшүндүм: “Мына ушул секундадан баштап өз турмушума байланыштуу нерселер үчүн өзүмө тиешелүү нерселерге өзүм кана чечимди кабыл алам!” Айлана чөйрөдөгүлөрдүн айткандарын угам, бирок керегин кана пайдаланам.
ЧЕЧИМИМДИ ИШЕНИМДҮҮЛҮК МЕНЕН БЕКИТЕМИН! Себеби , “менин жашоом – кандай ойлонсом дал ошондой болооруна” ишендим!
Бул “жашоонун эрежеси, закон ченемдүүлүгү” экендигин түшүнөм.
Бул айтылган сөздөрдүн канчалык деңгээлде акыйкат экендигин ар бир адам өз тагдырынан өзү анализдеп көрө алат.
Ал үчүн “өзүңө өзүң суроо берип, оюң менен сүйлөшүп, сезимиңе” көңүл бөлсөң, ачык, даана, так түшүнө баштайсың.
Суроо: Эмнеге “бул сөздү ишенимдүүлүк менен бекитишим керек?”
Себеби, бул ишеним, сезим “жан дүйнөңө сиңип, өзүңдү өзүң чечкиндүү сезиш үчүн. “Ишеним менен бекитемин!” деген сөздү көп – көп кайталоо ден соолуктун оңолушуна жардам берет. Денени иштетүү үчүн мээге ушул программа кирет, омуртка аркылуу денеге тиешелүү нурлардын агымы өтүп чыңдалып, бекемделет. Адам кайраттуу болот, белиңе күч кубат кирет.
Кимге сапаттуу жашоо керек? Чың ден соолук керек? Бактылуу жетишкен турмуш керек? Анда эмесе келген ойдун сапатына көңүл бөлгүлө: каала кабыл ал, “жакпаганын кол булгалап бузуп сал”, же “терс” ойдон баш тартып, жакшы, “оң” жагына буруп ойло.
“Кол булгалап бузуп сал” дегенди кандайча түшүнсө болот?
Мисалы: Адам “жүрөгү ооруп, кыйналып чыгат”. Себеби, аны “коркунучтун сезими” башкарат. Ошол ой канчалык көп келген сайын оруу күчөйт, алсырап, денеси шалдырайт, жамбаштап жатып уктагысы келет же “өлүп калат окшойм” деп “коркуп” ойго чөмүлүп, ар түрдүү дары дармек ичесиң.
Өзүңдү кандай сезип жатасың? Эмнелерди ойлоп жатасың? Көңүл бөл! Байкаарың менен ал ойду токтот. Өзүңдөн өзүң сура?
Орулуу акыбал керекби? Же ден соолукта болуп, каалаган жагыңа барып, айылдап келген жагабы?
Эки акыбалды тең байкаш керек, ойду өзгөртүп көрүп, денең менен сезип көр.
–
[А] Биз баардык жерде биргебиз! Биримдиктебиз!
Сезим менен кантип иштесе болот?
Мындан ары дайыма сезим менен иштейбиз, себеби эмнени көп ойлосоң ошону кана сезесиң.
Төшөктө жаткан адам чыйралып басышы үчүн төмөнкү ойду мисалга алып, кыял менен иштеп көрсөң болот. Эгерде эрки күчтүү, жеңил ооруу менен ооруган адам болсо, жасап көрсө да болот. Ооруп жаткан жериңден өйдө тур. Өзүңчө, ойлонуп, үн чыгарып сөз менен айт: “Болду жетишет! Мен оорудан баш тарттым! Көңүлүм мени кубандыра турган нерселерге бурулду”. Мындан ары ден соолукта болууну чечтим!”, “ Менин ден соолугум чың!”, “Өзүмө өзүм ден соолукта болууга уруксаат бердим!” ”Мен ден соолуктун толкунундамын!” “Мен ден соолукта жашап жатам!”.
Эгерде өз күчүнө ишенген болсоң, күнүмдүк жасаган нерсеңди өзгөрт. Эшикке чык. Таза абадан дем ал. Эртең мененки күндүн нуру адамдарга жашоонун нурун берет. Өзүңдү ал жерден башка жакка жылдыр. Мисалы: “ Мен азыр уулумдукуна барып кабар алып келейин, барып келгенге күчүм жетет!” – деп ордуңдан туруп кетсең, заматта акыбал өзгөрөт. Эми “ооруу деген ойдун толкунунан, айылга баруу” деген толкунга уландың. Себеби, “көңүлүң” башка ойго бурулду. Жуунуп таранып, чыйралып, басып кеттиң. Оорууну унутуп, айылга баруу жөнүндө ойлой баштадың. Денеңде заматта ооруу жоголду. Анын ордуна башка ойлор келе баштады. Ал эми “көңүл буруу” – бул башкаруунун пульту же башка каналга буруу болуп эсептелет.
Жаңы ойлор келе баштады, ооруганды унутуп:
Оо, баардыгы үйүндө экен? Меймандары да барбы?
Неберем алдыма чуркап келсе мына бул, шириндикти же оюнчукту берейин.
Келиним кантип күлүп тосуп алды? Балам бактылуу жашап жатыптыр, өңү сонун го. Мага жакты – деп кыялданып, сүйүнүчтүү ойлорду ойлонуп элестетип бар.
Эми, бул жагы өзүңдүн сезимине жараша, жаман ойлосоң, жаман жагына, жакшы ойлосоң жакшы жагына бурулат. Мүмкүн болушунча жаман ойлобоого аракет кыл. Ооруу өзүнүн толкунунан адашты, алмашты. Жашоо шаңдуу боло баштады. Же, эч жакка бара албай эшикке чыга албасаң, анда телевизордогу жаңылыкты өчүрүп, концертти көргөнгө бурдуң. Жашоонун рулу өзүңдүн колуңда, телевизордун пультун азыр каалаган каналга бура аласың.
Конокко барган жакшы да, ага макулсуңарбы? Сый көргөн баардыгыңарга жагат го деп ойлойм. Эми, орууду сыйлаганча, өзүң сый көргөнгө өт, өзүңө өзүң уруксаат бер!
Мына ушундай тартипте күнүмдүк турмушта өзгөрүү болуп турат.
Ар бир жаңы “ой” – бул дене үчүн жеген жаңы “тамак” сыяктуу.
Жыйынтыгы, “ооруу” – “айылдоого” алмашты, кааласа ар кандай ушак сөздөрдү кошуп койсо да болот, оорууну унутуп, жашоо кызыктуу болуш үчүн. Бирок “аша чаап” кетпөө керек. Ар кандай ушак сөз, ой жүгүртүүнү тездетип, кругозорду кеңейтет, эгерде туура пайдалансаң. Бирөөнү ушак кылганда жаман жагын айтып, кажынбастан, ал адамдын жакшы сапаттарын айтып, өзүң сүйүнгөндөй акыбалда бол. Ошондо кана “ушак”– ден соолукка пайда алып келет. “Көз артуу” жоголуп, ордуна “ырахаттануу” пайда болот. “Мен дагы ошондой жашоодо жашагым келет!” – деген сезимдин ойгонуусуна түрткү бересиң.. Жаман ойлосоң, анда өзүңдү ооруга алып келесиң, өз тагдырыңды өзүң татаалдаштырасың, аягы бактысыздыкка алып келет.
Мына ушундай тартипте, жүрөк өйүгөн проблеманы, өзүң каалаган ден соолукка бурууга болот. Ал ар кимиңдин өз колуңда. Аны жасай аласың. Негизги күч өзүңдүн “ичиңде”.
Эгерде “көңүл коюп”, оюңдун “сапатын” жакшыртып, жашоонун ар бир “көз ирмеминен” ырахат алып жашагың келсе, анда кубанычтуу жашоо сен үчүн кызматта.
Азыр, “учур чакта”, ушул секунда, ушул минутадан баштап ойду сапаттуу ойлоого өтүүнү “ниет кыл!”.
Мындан ары негизги көңүлдү “ден соолук” темасына бурабыз.
Элдин баары эле “сөз” менен ден соолукта болууну каалайт, тилейт, бирок, ден соолукта болуу үчүн керектүү эрежелерди сактай алабы? Ой жүгүртүүсү кандай?
Аны, ар бир адам өзү кана билет.
Азыр төмөндөгү сөздөрдү окуу менен бирге үн чыгарып кайталоо, жаныңа бир чыны же стаканга суу куюп коюп уурттап ичип айтуу жакшы натыйжа берет.
Мисалы : “Мен азыр ушул секундадан баштап өзүмдү чың ден соолукта сезип жатамын! Себеби, ооруу болуудан баш тарттым!” “Мага – ден соолук керек!” “ Мага ден соолук!” “Мага ден соолук керек!” “Мен өзүмө өзүм азыр ден соолукта болууга уруксаат бердим!” “ Мен өзүмдү ден соолукта сеземин!”
“Негизги “күч”дайыма мени менен бирге! Мен күчтүүмүн!” “Мен эрктүүмүн!”
“Ден соолук мени менен түбөлүккө бирге!” “Мен ден соолукта төрөлгөм!”
“Мен ар дайым ден соолуктун толкунундамын!” “Менин органдарымдын баардыгы так, өз нугунда ритимдүү,чың ден соолукта иштеп жатат”.
“ Менин ден соолугум күндөн күнгө чыңалып баратат, аны сезимим менен сезип жатам”. “Мен бактылуумун!” “Шамдагаймын, көңүлүм ачык, шайырмын!”
“Менин каалаган нерселерим, мен кандай ойлосом ошондой болуп жатат”.
“Ойлорумду дайыма кантип таза, жакшы ойлорго бурууну өз убагында билемин”. “Менин оюм, менин бүгүнкү күндөгү жашоом”.
“Мен дүйнөгө ачылдым!” “Мен адамдарга ачылдым!” “Мен дүйнөгө таандыкмын, дүйнө мага таандык!” “Мен Аалам бөлүкчөсү экендигимди түшүндүм!” “Ар бир адам Аалам бөлүкчөсү, ал нурдан башталат!”
“Дүйнө, Аалам менден башталат, бүткүл Аалам менин денем менен байланышкан, мен алар менен тыгыз байланыштамын”
“Мен өз жайымдамын!” “Башкалар өз жайында!” “Дүйнө өз жайында!”
“Ар бир күн мен үчүн белек – мен үчүн эң сонун күн!” “Мен баардыгына ыраазымын!” “Мен өзүмдү жакшы көрөм, мен дүйнөнү, баардык көзүм көрүп кулагым уккан нерселерди, баардык адамдары сүйөм!”
“Баардык сезимим менен сезгендин баары – менмин!” “Мен – бүткүл дүйнөнү, Аалам, жан жаныбар, курт кумурска, планета, жылдыздар, галлактикалар, ар бир адам баласын өзүмдүн жашоого болгон көз карашым аркылуу көрөмүн! Ал менин дүйнөм” “Мен ар бир күнүм үчүн сүйүнөмүн, кубанычымды бүт Ааламга сезимим менен таркатамын”. “Мен жатканда кантип өзүмдү бактылуу сезип жатканды, эртең менен турганда өзүмдү кандайча бактылуу сезип турууну так билемин!” “Мен бакыттын ээсимин!” “Баардык нерсе мен төрөлгөндөн бар нерсе, ал менин денемде, маалымат талаамда жазылган!”
Ден соолугу чың, бай, жашоодо сүйүнүп, бактылуу жашаган адам жашоонун закону боюнча 5%– “терс” ойду, 35% – “оң” ойду, 65% – “нейтралдуу” ойлонуп жашаары турмушта далилденген. Эми ошондой деңгээлге жетүү үчүн ар бир адам өзүн өзү кайра тарбиялоо менен өзгөрө алат. Ал үчүн ар бир адам өзү “чечим” чыгарат.
Китепти окуп мындан ары улантуу керек же керек эмес экендигин “чечүү” ар бир инсандын өзүнүн эркине, каалоо, тилек, ниетине жараша болот. Каала улант, каала китепти жаап катып коюуга же каалаган нерсеңди жасоого же жасабай коюуга толук укугуң бар. Себеби, ал китеп сага таандык, колуңда тургандан кийин анын ээси азыр сенсиң.
Эскертүү: Бул китепти окуп баштагандан баштап эле “аң сезим” менен иштөө башталат. Ар бир алынган маалымат бул – жаңы илим, жаңы жашоо башаты, дененин жаңылануусу, жаңы нур толкунга улануу. Өзүңдүн кылган ишиңди өзүң байкоо жүргүзүү менен көрө баштайсың, башкача айтканда өзүңдү сырттан көрө баштайсың. Кетирген кемчилигиңди сезип, аны кандайча жасап жаткандыгың өзүңө ачык, так көрүнө баштайт. Жашооңдун өзүң каалагандай болушун, ден соолугуңдун чың болушун кааласаң, анда китепти окууну улантсаң болот.
Китепти окуу менен ой жүгүртүү, сүйлөө тартибиң өзгөрөт, жашоого болгон көз карашың күндөн күнгө ар тараптуу боло баштайт. Эски дүйнөң урап, жаңыча жашоо кура баштайсың. Айлана чөйрөңдөгүлөр менен болгон мамилең өзгөрүп өзүңдүн кандай чөйрөдө жашап жаткандыгыңды көрө баштайсың. Жакса улантып, жакпаса башка варианттарды көрө аласың.
Бирөөлөрдүн кемчилигине, жасаган ишине таң калуу, сөз кылуу, ушактоо же шылдыңдоо ордуна ал адамды туура “түшүнүү” башталат, же “ кандай болсо ошондой кабыл алууну үйрөнөсүң.
Алгачкы убакта жаңы баскан жаш наристедей там – туң басып, алдыга жыла баштайсың. Өзүңө өзң таң каласың.Кээ бир нерселерди биринчи жолу көргөндөй сезим пайда болот, андан коркпоо керек, болгону сен “аң сезимдин өзгөргөн жаңы жашоо этабына” өтөсүң. Бир деңгээлден экинчи этапка өттүң. Же биринчи класстан экинчи класска көчкөн сыяктуу, кызыктуу нерселерди көрүп, өзүңдүн ой жүгүртүүң менен анализдей баштайсың. Мээң аркылуу ойлонуп анализ жасоону үйрөнөсүң. Мээде кыймыл башталгандан кийин ден соолукта дагы өзгөрүү боло баштайт. Ал ден соолукка кадам коюу дегендик.
Ал эми, бул этаптан өтүү үчүн “өзүңдү өзүң сыйлап, колдоп, сүйүүнү “ үйрөнүү керек. Аны кантип жасоо керек десең, ал этап дал ушундай сөздөрдү айтып, ойлорду ойлоо менен башталат. Өзүңдүн жаратылышынан, туулгандан бар күчүңдүн касиети ойгонот.
–
[А] Мен, Сен, Ал, Биз, Дүйнө, Аалам, Кудай тынч!
