رحلة التايم ماشين إلى المهندسين

بيمشوا سوا لحد البيت و بتتعرف «سلمى» على أجواء فترة التمانينات و الباعة الجائلين أمام إحدى مدارس المرحلة الإبتدائية : 

–ماما....هو فيه زلط بيتاكل ؟!

=لا يا حبيبتي …ده مش زلط ، ده إسمه (دوم) و طعمه جميل جدا 

–طيب ممكن اجربه ؟!

=لأ …مش هينفع طبعاً ، لأنك عاملة تقويم لأسنانك و ده هيفرتكه تماماً

–خلاص …هاتيلي غزل البنات 

بتشتري لها «بيريهان» غزل البنات و بتجيب لنفسها (حرنكش) و بيكملوا طريقهم للبيت .

"سلمى" في انبهار : 

الله يا ماما ....كتاكيت ملونة ، ممكن نجيبها ؟! 

=و نسيبهم فين ؟! إحنا هنسافر عبر الزمن ، مش على مصر للطيران !!